ദുബായിലെ വില പേശ ലുകൾ
അലവി യുടെ കൂടെ ദയര മാര്കെറ്റില് ഷോപ്പിങ്ങിനു പോയി. അധികവും പാകിസ്ഥാനികളുടെ കട.അലവിക്ക് ആണെങ്കില് ഉര്ദു അത്ര വശം ഇല്ല. അവന് കടയില് കയറി ചോതിക്കുന്നു, ' ഹൌ മച്?'
പാകിസ്ഥാനി കച്ചവടക്കാരന് '' ഫിഫ്ടി'അലാവിക്ക എന്നോട്, ഈ ചൈന വ്യാജന് അമ്പതു ദിര്ഹാമോ? അല്ല ഇവന് പാകിസ്ഥാനി രൂപ അയിരിക്കും ഉദ്ദേശിച്ചത്''
സംഭവം അതല്ല പാകിക്ക് തെറ്റിയത് ആണ്.. ഫിഫ്ടീന് ആണ് അവന് ഉദ്ദേശിച്ചത്. പറഞ്ഞപ്പോള് അത് ഫിഫ്ടി ആയി പോയി. കാരണം അവര് ഇംഗ്ലീഷ് പറഞ്ഞാല് അങ്ങിനെ ആണ്. പതിനഞ്ചു പറഞ്ഞു അഞ്ചിന് കൊടുക്കുക എന്നത് ആണ് അവരുടെ രീതി. അതിനു നാം നന്നായി വില പേഷണം. ഉര്ദു അറിയാത്ത അലാവിക്ക എങ്ങിനെ വില പേശും?
എസ് എസ് എല് സി പാസാവാന് വേണ്ടി കഷ്ടപ്പെട്ട് ഒന്ന് മുതല് നൂറു വരെ ഹിന്ദിയില് എണ്ണാന് പഠിച്ച കാര്യംഅലവിക്ക പറഞ്ഞു. അങ്ങിനെ ,എസ് എസ് എല് സി പ്രയോഗിച്ചു തുടങ്ങി.
ഉസ്കോ കിത്നാ ഹൈ? ഉസ്കോ കിതനാ ഹൈ? അങ്ങിനെ ചോദ്യവും മറുപടിയും, വിലപേശലും വില കുറയ്ക്കലും വാങ്ങലും മുറ പോലെ നടന്നു. പെട്ടെന്ന് ആണ് അവന്റെ ഉസ്കോ കിതനാ ഹൈ മാറിയിട്ട് ഉസകീ കിത്നാ ഹും? ആവുന്നത്. എനിക്ക് ആകാംക്ഷ ആയി.
'' എന്താടോ ചോദ്യത്തിന്റെ സ്റ്റൈല് മാറ്റിയത്? ഞാന് ചോദിച്ചു.....
'' അത് പെണ്ണുങ്ങളുടെ കുപ്പായ തുണി അല്ലേ? അത് കൊണ്ട് ഞാന് സ്ത്രീ ലിംഗം ഉപയോഗിച്ചത് ആണ്. തമാശ . പുസ്തുവും ഉര്ദുവും മാത്രം പറയുന്ന പച്ച പട്ടാണികളോട് ആണ് കാക്കായുടെ ഒരു ഹിന്ദി ഗ്രാമ്മര്.
ഈ കഥ പെട്ടെന്ന് ഓര്മ വരാന് ഒരു കാരണം ഉണ്ട്. വില പേശുക എന്നത് പഴയ കാല ഗള്ഫു പര്ച്ചസിങ്ങിന്റെ ഒരു പ്രത്യേകത ആണ്. വലിയ വലിയ ഷോപ്പിംഗ് മാളുകളുടെ വരവോടു കൂടി ഇത് തീര്ത്തും കുറഞ്ഞു. എങ്കിലും വില പേശല് നടക്കുന്നചെറിയ കടകളും വെള്ളി യാഴ്ച തോറുമുള്ള ഫ്ലീ മാർക്കറ്റ് കളും ഇപ്പോളും ഉണ്ട്.
ഇത്രയും എഴുതിയപ്പോൾ ഡ്രാ ഗൻ മാർക്കറ്റ് എന്ന പേരിൽ ഉള്ള ചൈന മാർക്കറ്റിൽ നടന്ന ഒരു കഥ കൂടി കുറിക്കട്ടെ .
ഒരു സുഹൃത്ത് ഒരു ചൈനക്കാരന്ന്റെ കടയില് പോയി ഒരു ഷൂ വിനു വില ചോദിച്ചു.
ചൈനക്കാരന് പറഞ്ഞു, '' ട്വന്റി ഫൈവ്''
സുഹൃത്ത്, ''ടെന് ഓക്കേ''
ചൈനക്കാരന് അത് തീരെ ഇഷ്ടപ്പെട്ടില്ല. അവന് ഉടനെ ദേഷ്യത്തോടെ പറഞ്ഞു, '' ഗോ ഗോ ഗോ ഗോ ഗോ ''
അപ്പോള് രസികന് ആയ എന്റെ സുഹൃത്ത്, ''ഒണ്ലി വണ് ഗോ, നോ ഗോ ഗോ ഗോ , ബെകോസ് മൈ ഷോപ്പ് ഈസ് വെരി നിയര്'' ഇത് കേട്ടപ്പോള് ദേഷ്യം വന്ന ചൈനക്കാരനും ചിരിച്ചു പോയി. അവന് ജോലി ചെയ്യുന്ന ശോപും ചിനക്കാരന്റെ ഷോപ്പും അടുത്ത് അടുത്ത് ആണ്.
No comments:
Post a Comment